သူတို့ရပ်ကွက် သူတို့အကြောင်း(၄)

သူတို့ရပ်ကွက် သူတို့အကြောင်း(၄)

ကျွန်တော်တို့အိမ်ရှေ့မျက်စောင်းထိုး နှစ်အိမ်ကျော်တွင်နေသော ဦးအီစမိုင်နှင့် ဒေါ်ဟာစီးနားတို့လင်မယားက ကလေးတွေ တစ်ပြုံကြီးမွေးထားသည်။ ကျွန်တော့်စိတ်အထင် ပြောရလျှင် ခုနှစ်ယောက်လောက်ရှိမည်ထင်သည်။
စိတ်ထင်ဟုဆိုရခြင်းမှာ တစ်ခါမှ သေသေချာချာ မျက်စိဖြင့်တပ်အပ် ရေတွက်ကြည့်ခွင့်မရသောကြောင့် ဖြစ်၏။ စိတ်အေး လက်အေးတစ်ယောက်ခြင်း ရေကြည့်ခွင့်ရဘို့ကလည်း ခက်ခဲလိုက်သည့်ဖြစ်ခြင်း . . . ။
ဟော . . .တစ်ယောက်၊ ဟော . . . တစ်ယောက်ဆိုသလို ပြေးလွှားခုန်ပေါက်ပြီး အိမ်ထဲမှထွက်လာလိုက်ကြ၊ လှစ်ကနဲ လှစ် ကနဲပြန်ဝင်ပြေးသွားလိုက်ကြ၊ တစ်ယောက်ကိုတစ်ယောက် ကျော်လိုက်ကြ ခွလိုက်ကြနှင့် မျက်စိလည်စရာ . . အာရုံနောက်စရာ။ အကြီးဆုံးကလေးနှစ်ယောက်ကမှ လေးတန်းနှင့်သုံးတန်းအရွယ်၊ ကျန်တာတွေအားလုံးက ဘုစုခရုတွေချည်းဖြစ်ကြ၏။
ဒေါ်ဟာစီးနားနှင့် အိမ်ချင်းကပ်နေသည့် ဒေါ်သန်းတင်ကလည်း အားကျမခံ ကလေးခြောက်ယောက်မွေးထား၏။ အားလုံး မျောက်လောင်းလေးတွေချည်းပင်။ အငိုသန် အဆော့သန်နှင့် ကျွမ်းထိုးသူကထိုး၊ သစ်ပင်မှာ တွဲလောင်းခိုသူကခို၊ မသိလျှင် ဆပ်ကပ် အဖွဲ့ကြီး နယ်ပြောင်းလာသလားဟုပင် ထင်ရသည်။
သူတို့မိသားစုနှစ်စုနေရ ထိုင်ရသည်မှာလည်း ခြံဝင်းတစ်ဝင်းကို တစ်ဝက်ပိုင်းကာ ရောင်းထားသော ပေနှစ်ဆယ် ပေခြောက် ဆယ် မြေကွက်ထဲမှာ နှစ်အိမ်ကပ်ပြီး ဆောက်ထားခြင်းဖြစ်၏။ ဒီတော့ . . ခြံတွေ ဘာတွေလည်း သီးသီးသန့်သန့် ခတ်မနေနိုင်။ ဆယ်ပေမပြည့်တပြည့် အိမ်ခန်းဖွဲ့ထားရသော ၀ါးထရံချင်းပင် ထိလုခမ�န်းကပ်နေ၏။ ဒီဘက် အိမ်ခန်းထဲမှ တီးတိုးပြောသံကိုပင် ဟိုဘက်အိမ်မှ အတိုင်းသားကြားရသည်။
“ဟဲ့ . . မအေ . .၊ နှမ . . ၊ သေချင်းဆိုးလေးတွေ ငါ့မှာ စားဖို့သောက်ဖို့ လုံးပန်းရတာကတစ်ဖက် . . နင်တို့ကို ထိန်းရတာက တစ်ဖက်နဲ့ . . ဟင်း . .သေသာသေလိုက်ချင်တော့တာပဲ”
ဒါက မနက်စောစောတိုင်းမှာ ကြားရတတ်သော ဒေါ်သန်းတင်၏တစ်နေ့တာအစီအစဉ် အဖွင့်မင်္ဂလာသီချ�1��င်ဋ ဒေါ်သန်းရှင် က ဘာစကားပဲပြောပြော အဆဲလေးနှင့် ပြောတတ်သော ၀သီရှိ၏။
တစ်ခါကလည်း ကျွန်တော်တို့လမ်းထဲကို နွားနို့လာရောင်းလေ့ရှိသော ရာကွတ်ဆိုသည့် ငနဲကို ဒေါ်သန်းတင်က လှမ်းခေါ်ပြီး
“ဟဲ့ . . ရာကွတ်၊ ‘ . . . .’ တစ်ဆယ်သား ဘယ်ဈေးရောင်းသလဲ”
မေးတာကတော့ နွားနို့ဝယ်ဘို့ ဈေးမေးခြင်းသာဖြစ်သည်။ သို့သော် ဒေါ်သန်းတင်က “နို့” “နို့” ဟု ရိုးရိုးမပြောဘဲ သူ့ဝတီ အတိုင်း အဆဲကလေးဖြင့် “နင့်အမေ” ဟု အစချီပြီး ပြောချလိုက်လေရာ ရာကွတ်၏အကြားအာရုံထဲတွင် ထိုးထိုးတွန့်တွန့်ဖြစ်သွား ၏။
ရာကွတ်ကလည်း ဗမာရည်ကိုမွှတ်နေအောင် ပြောတတ်သော ငတိဖြစ်လေရာ . . .
“ဟရေး . . . အမား၊ ချွန်ဒေါ့်ကို ငရဲမပေးပါနဲ့ . .အမား။ ချွန်ဒေါ့်အမေကိုနော် . . ချွန်တော် . . ဘုရားနဲ့တစ်ဂိုဏ်းတည်းထား တယ်။ ဟောဒီမှာ . . နွားနို့နော် . . သောက်ရင်အားရှိဒယ်၊ ကောင်းဒယ်။ အမား ပြောတဲ့ဥစ္စာနော် . . ဟရေး . . တစ်ဝကြီးမကောင်း ဘူး အမား၊ စဉ်းစားပါဦး”
“ဟယ် . . သောက်ရေးထဲ၊ ကမ္မ၀ါဖတ်မယ့် ဒီ “အကောင်” က တစ်မျိုး၊ သွား . . .သွား၊ သေချင်းဆိုး . . ရိုးရိုးတန်းတန်း စဉ်းစားတာမဟုတ်ဘူး”
ဒေါ်သန်းတင်က သူ့စကားကို တည့်တည့်ကြီးအဓိပ္ပါယ်ကောက်ရလေမလားဟု ဒေါသအကြီးအကျယ်ထွက်ခါ နွားနို့မ၀ယ် တော့ဘဲ ရာကွတ်ကိုမောင်းထုတ်၏။
စကားလုံးဘာသာအပြန်မှားသော ရာကွတ်ခမျာကား မျက်စိကလေး ကြောင်ကလပ်ကြောင်ကလပ်ဖြစ်ကာ ခေါင်းကို ကုတ်ရင်း တရွေ့ရွေ့ခြေလှမ်းများဖြင့် ဆုတ်ခွာလေသည်။
အဲဒီမြင်ကွင်းကို ခြံရှေ့မြောင်းပေါ်ခွကာ ဆောက်ထားသော ခုံတန်းရှည်ပေါ်ထိုင်ရင်း ဂစ်တာတီးနေသည့် ကျွန်တော်တို့အုပ်စု ကမြင်တော့ ဟားကြ၏။ အစအနောက်သန်သည့် ပန်းချီဆရာကတော့ ရာကွတ်ကိုလှမ်းခေါ်ပြီး
“အဲဒါကြောင့် . . ဟိုစာရေးဆရာကြီးတစ်ယောက်ကပြောတာပေါ့ကွ၊ “အရမ်းဘာသာမပြန်နဲ့” . . . တဲ့ မှတ်ထား . . ရာကွတ်”
“ဟရေး . . ဘာပြောတာလဲ၊ နားမလည်ဘူး၊ ငါ . .ရူးပြီး၊ ငါ . . ရူးပြီ”
(ကျွန်တော်တို့ စာအုပ်သမားအချင်းချင်းလောက်သာ သိမည်ဖြစ်သည်။) အထာစကားကို ရာကွတ်နားမလည်။ စိတ်ရှုပ်စွာဖြင့် သူ့ဆံပင်တွေကို သူထိုးဖွရင်း နွားနို့ပုံးကိုဆွဲကာ ကျွန်တော်တို့နှင့်ဝေးရာဆီသို့ သုတ်ခြေတင်လေတော့သည်။
ကျွန်တော်တို့ကတော့ ရယ်လျက်မောလျက်၊
ဒေါ်သန်းတင်၏ ဆဲရေးသံကိုလည်း နားယဉ်ပါးလျက် . . . ။
တစ်မနက်ခင်းမှာတော့ ဒေါ်သန်းတင်ကို လူကိုယ်တိုင် မမြင်ရဘဲ အိမ်နောက်ဖေးဘက်ဆီမှ တစ်ချက်တစ်ချက်ထွက်ပေါ်လာ သော ဆဲသံကိုသာကြားနေရ၏။ မီးဖိုချောင်တွင် ချက်နေပြုတ်နေရင်း အိမ်ရှေ့သို့ ထွက်မလာနိုင်လောက်အောင် အလုပ်များနေ သည့်ကြားက မမေ့မလျော့ တာဝန်ကျေကျေ လှမ်းလှမ်းဆဲနေခြင်းဖြစ်၏။
ဆဲမည်ဆိုလျှင်လည်း ဆဲချင်လောက်စရာ။ အိမ်ရှေ့မြေကွက်လပ် ကျန်းကျန်းကလေးမှာ ကလေးတွေက ဗြောင်းဆန်အောင် ဆော့ကစားနေကြ၏။ တစ်လံသာသာလောက်ပင် မဝေးသော ဟိုဖက်အိမ်ခန်းမှ ဒေါ်ဟာစီးနား၏ ရင်နှစ်သည်းချာကလေးများက လည်း မျောက်ကလေးတွေပမာ ကမြင်းကြောထနေကြသည်မို့ ဒီဘက်က ဒေါ်သန်းတင်၏ “ချစ်စရာ့အရွယ်ကစားကြမယ်” ကလေး များက အနိုင်မခံ အရှုံးမပေးစိတ်ဓာတ်ကို လက်ကိုင်ထားကာ မီးကုန်ယမ်းကုန် အပြိုင်အဆိုင် “ထကြွ” နေကြခြင်းဖြစ်ပုံရသည်။
အိမ်ရှေ့ခုံတန်းရှည်ပေါ်တွင် ထိုင်နေရင်း မကြည့်ချင်မြင်လျက်သားဖြစ်နေသော ကျွန်တော်ပင်လျှင် သက်ပြင်းကို သုံးမိနစ် တစ်ကြိမ်လောက်ချဖြစ်၏။
ဒဿဂီရိ၏ လင်္ကာဒီပကျွန်းကို မျောက်တွေတပ်နှင့်ချီပြီး စစ်သွားတိုက်စဉ်တုန်းက ယောက်ယက်ခတ်နေပုံမှာ ဒီလိုမျိုးပင်ဖြစ် လိမ့်မည်ဟုလည်း စိတ်မသက်မသာတွေးမိသည်။
သိပ်မကြာလိုက်ပါ။
“ဗြဲ . . ” ကနဲ အာခေါင်ခြစ်၍ ငိုကြွေးလိုက်သော ကလေးပေါက်စတစ်ကောင်၏ အသံကိုကြားရလေသည်။
ဆော့ရင်းကစားရင်း ကလေးတစ်ယောက်ယောက် ထိမိခိုက်မိသဖြင့် ငိုကြွေးလိုက်ခြင်းဖြစ်ပုံရ၏။ ကလေးငိုသံနှင့် မရှေး မနှောင်းမှာပင် ဒေါ်သန်းတင်၏ သူ့ကလေးကိုသူ ဆဲဆိုငေါက်ငန်းလိုက်သံက ကျယ်ကျယ်လောင်လောင် ထွက်ပေါ်လာလေတော့ သည်။
“သေချင်းဆိုးလေး . .၊ ဘာဖြစ်ရပြန်ပြီလဲ။ နေဦး . . နေဦး . . ဒီမှာ ငါ ထမင်းအိုးငှဲ့ပြီးတော့မှ နင့်ကျောကို အရေဆုတ်ပစ်ရဦး မယ်”
ဆူပူသံကြောင့် ထင်သည်။ ကလေးငိုသံက ပိုကျယ်လောင်လာ၏။
ဒေါ်သန်းတင်က လူကိုယ်တိုင်ထွက်မလာသေးဘဲ နောက်တစ်ခွန်းထပ်ဆဲသည်။
“ဟဲ့ . . . ကမြင်းတုန်းက ကမြင်းပြီး ခုမှေ-ာက်သံပြဲနဲ့ ငိုမနေနဲ့။ ကျက်သရေမရှိဘူး၊ အခု တိတ်စမ်း”
ထိုအချိန်တွင် ဈေးဝယ်ရာမှ ပြန်ရောက်လာသော ဒေါ်ဟာစီးနားတစ်ယောက်ခြံပေါက်ဝထဲ လှမ်းဝင်ဘို့ပြင်စဉ်မှာ တုံ့ကနဲရပ် သွား၏။
“အီး . . ဟီး . . ဟီး . .၊ ၀ါး . .၀ါး”
ကလေးကတော့ စူးစူးဝါးဝါး ငိုဆဲပင်။
မီးဖိုချောင်ထဲမှာ ဒေါ်သန်းတင်ကလည်း
“တယ် . .၊ ဒီ ဖေ- မသားလေးဟာ၊ တိတ်ဆိုတိတ်မဟုတ်ဘူး၊ မွေးကတည်းက သနေကိုယုတ်တယ်”
“အီး . . .အီး . . ၀ါး . .ဟင့် . .ဟင့်”
ကလေးက စီစီညံအောင် ငိုကြောရှည်နေမြဲ။ ခြံဝမှာရပ်နေသော ဒေါ်ဟာစီးနားကလည်း မျက်လုံးကြီးပြူးလျက်။
မဆုံးနိုင်အောင် ရှည်လျားတော်မူသော ကလေး၏ ငိုချင်းသံကို နားကြားပြင်းကပ်လာသော ဒေါ်သန်းတင်က
“ဟဲ့ . . အလေနတောကလေး၊ တစ်ခါတည်း သေသွားရင်လည်း အေးတာပဲ၊ေ-ာက်ငိုကြောက ရှည်လိုက်တာ၊ ကာလနာ တိုက်ပါစေတော်”
ဒေါ်သန်းတင်၏ ပိုးစိုးပက်စက် ဆဲသံဆိုသံအဆုံးမှာပင် ခြံဝရှိ ဒေါ်ဟာစီးနားက ထမီတိုတိုပြင်ဝတ်လိုက်တာ အင်္ကျီလက် မောင်းကို ပင့်တင်ရင်း ခုနှစ်သံချီဟစ်၍ . . .
“အိမ်ထဲကနေ ယုတ်ယုတ်မာမာဆဲနေတဲ့ အယုတ်တမာ မိသန်းတင်ရဲ့၊ ဟင် . . နင် သတ္တိရှိရင် အခုချက်ချင်း အိမ်ထဲကထွက် ခဲ့စမ်း”
ဒေါ်ဟာစီးနား၏ ဒေါသနတကြီးစိန်ခေါ်သံကြောင့် ဒေါ်သန်းတင်ကလည်း လက်ထဲမှ ထမင်းအိုးကိုဆောင့်ခနဲ ပစ်ချပြီး ထရပ် လိုက်၏။
“ငါ့ ကလေးကို ငါဆူတာ ဘယ်ကောင်မကကြားထဲက ၀င်ပြီး အကဲဆတ်နေရတာတုန်း”
ဟူသည့် အတွေးဖြင့် ဒေါသထောင်းထောင်းထပြီး
“စိန်ခေါ်နေတာ ဘယ်ကကောင်မလဲ၊ သန်းတင်တဲ့ . . ငါ့လက်ဝါးက ပါးမရွေးဘူးနော်”
ပြောပြောဆိုဆိုဖြင့် ဒေါ်သန်းတင်က အိမ်ရှေ့ဆီသို့ လွှားခနဲခုန်ထွက်လာ၏။ အသင့်စောင့်နေသော ဒေါ်ဟာစီးနားကလည်း
“လာစမ်းပါ . . လာစမ်းပါ။ ဟောဒီကလည်း . . ငါ့ကလေး သူ့ဖာသာသူ ငိုတာကို အသားလွတ်ဆဲတဲ့ မိန်းမလူစွမ်းကောင်း ကြီးကို ပါးရိုက်ချင်လွန်းလို့ . . .”
“ဟိုက် . . .”
ဒီတော့မှပင် . . . ဒေါ်သန်းတင်လည်း ငိုနေသည့်ကလေး ဘယ်သူဘယ်ဝါဆိုသည်ကို သေသေချာချာကြည့်မိတော့သည်။
စင်စစ် . . ငိုနေသည်က သူ့ကလေးမဟုတ်။
ဒေါ်ဟာစီးနား၏ကလေး ငိုနေခြင်းသာဖြစ်၏။ အိမ်ခန်းချင်းက ပူးကပ်လွန်းနေတော့ ဟိုဖက်အိမ်က ငိုတာလား။ ဒီဖက်အိမ်က ငိုတာလားဆိုတာကိုလည်း အကွာအဝေးဖြင့် မှန်းဆ၍မရ။
ပြီးတော့ . . . .
မြန်မာကလေးလေးပဲဖြစ်ဖြစ်၊ ကုလားကလေးပဲဖြစ်ဖြစ် . . ငိုသည့်အခါတွင်တော့ အသံချင်းက အတူတူပဲမဟုတ်လား။
* * * * *
ဒေါ်သန်းတင်တစ်ယောက် မျက်လုံးပြူးပြီး ပါးစပ်အဟောင်းသားပွင့်သွားသည်။ သူ့ခမျာ ကလေးချင်းမှားပြီး ဆဲမိပြီဆိုသည်ကို သဘောပေါက်လိုက်မိချိန်တွင် ပြန်လည်ပြင်ဆင်ရန် အများကြီး နောက်ကျသွားခဲ့ပြီ။
ဒေါ်ဟာစီးနားက ထမီစ အနားနှစ်ဖက်ကို ဆတ်ခနဲမတင်လိုက်ရင်း
“ငါ့ကလေးက ငိုနေတာကို ညည်းက ဘာကိစ္စသနေယုတ်သလေး ဘာလေးနဲ့ ဆဲရအောင် ညည်းကတော့ ဘယ်လောက် တောင် သနေကောင်းနေလို့လဲဟဲ့ . . ကောင်မရဲ့”
“နင့်အကြောင်း ငါမသိဘူးများမှတ်နေလို့လား၊ နင်ဟာ . . .”
ဒေါ်ဟာစီးနားကား ဒေါ်သန်းတင်၏ ငယ်ကျိုးငယ်နာတို့ကို ဖော်လေပြီ။ အရှက်ကွဲလေပြီ။ ဒီတော့ ဒေါ်သန်းတင်ကလည်း ငုံ့ခံ နေ၍မဖြစ်တော့။ အဆဲကို အဆဲချင်း၊ အကွဲကို အကွဲချင်းတုံ့ပြန်ရာမှ နောက်ဆုံးတွင် လက်ရုံးအားကိုးကြလေတော့သည်။
ဆံပင်ကိုဆွဲကြ၏။ ပါးကိုရိုက်ကြ၏။ ကုတ်၏။ ကိုက်၏။ ဆောင်၏။ ကန်၏။ ဘယ်ဒူး ညာဒူးသုံး၏။ ပတ်တံတောင် ပင့်တံတောင် ရိုက်၏။ ၀ိုက်၏။ ထိုး၏။ ခြေစုံပစ်ဝင်၏။ လှိမ့်ရှောင်၏။ အနီးကပ်၍ တွတ်၏။ လက်ဖျံဖြင့်ကာ၏။ ခုန်ကာ ကုပ်ပိုးကိုထောင်း၏။ ခေါင်း ချင်းတိုက်၏။ ညိုသကျည်းကို ဖြတ်ရိုက်၏။
ရပ်ကွက်ထဲက လူတွေက ရုတ်တရက်မို့ ဖျန်ဖြေဘို့သတိမရ။ တဟားဟားရယ်လို့သာ နေကြလေတော့၏။
(ဒေါ်သန်းတင်၏ ယောက်ျားဦးမောင်ဝမ်းတစ်ယောက် အရပ်ထဲတွင် ဇာတ်ပွဲကသည့်အကြောင်းကိုလည်း စကားစပ်မိလျှင် ပြောပြရပါဦးမည်။)
မင်းခိုက်စိုးစန်

သူငယ်ချင်း

သူငယ်ချင်း

ဒိုင်နိုဆော ကို နှစ်ပိုင်းခွဲလျှင် ဒိုင်နို-ခွန်အားကြီးမားသော၊ ဆော( ဆောရပ်စ် ဆိုတဲ့စကားကလာတာ) အိမ်မြှောင် ဟူ၍ရသည် … ခွန်အားကြီးသောအိမ်မြှောင်ကြီးများသည် ကမ္ဘာကို နှစ်သန်းပေါင်း ၁၆၀ အုပ်စိုးသွားခဲ့ဖူးသည် …။ယခု ဒိုင်နိုဆောများ မျိုးတုန်းသွားပြီဖြစ်သည် …။ကြီးကျယ်ခမ်းနားသည်ဟု မိမိကိုယ်မိမိ အယူရှိသည့် လူသည် ဒိုင်နိုဆောနှင့်ယှဉ်လျှင် ခန္ဓာကိုယ် ကြံ့ခိုင်မှုပိုင်းတွင်သိသိသာသာ အားနည်းနေပြီး အချင်းချင်းရန်လိုမှုနှင့် လောဘစိတ်တွင် သိသိသာသာ အားကောင်းနေသည်။ ယခု လူသားများသည် နယူကလီးယား စွမ်းအင်ကို ထိန်းချုပ်နိုင်ပြီဟူ၍ ဂုဏ်ယူနေကြသည် …။ သို့သော် မိမိတို့၏ စိတ်ကို နိုင်နင်းစွာ ထိန်းချုပ်နိုင်ပြီဟု အာမမခံနိုင်သေး …။ တစ်ချိန်ချိန်တွင် စစ်ပွဲတွင် အသုံးမပြုရန် ကန့်သတ်ထားသော နယူကလိယ ထိပ်ဖူးတပ် ဒုံးကျည်များ ကမ္ဘာ့လေထုထဲတွင် ၀ဲပျံလာနိုင်သေးသည် …။ လူသည် အချင်းချင်းစိတ်မချရတော့သည့် စိုးရိမ်ရေမှတ်သို့ တရွေ့ရွေ့ချဉ်းကပ်လာသည်။

မသေချာမှုများဖြင့် ချိန်သီးအလွှဲကြမ်းလာသော ရာစုသစ်ထဲတွင် … လူသားအားလုံး စိုးရိမ်မှုတစ်ခုစီမက ရှိနေကြသည်။ မသေချာမှုများထဲတွင် တစ်ခုခုကိုတော့သေချာလိုက်ချင်သည်။ ခရစ်ဝင်ကျမ်းများအဆိုအရ ဘုရားသခင်သည် လူကို ဖန်ဆင်းချိန်တွင်မြေကြီးကို အသုံးပြုခဲ့သည်။ ထို့ကြောင့်ဖြစ်နိုင်သည် … မကြာမကြာ ဗွက်ထနေသော စိတ်ကို ကျွန်ုပ်တို့ ပိုင်ဆိုင်ထားကြသည်။ ထိုစိတ်သည် တစ်ခုခုကိုလိုအပ်နေတတ်သည် …။ မတည်ငြိမ်သော လောကတွင် တစ်ခုခုကို ယုံကြည်လိုက်ချင်သည်။ … တစ်ယောက်ယောက်ကို စိတ်ချထားချင်သည် …။ ထိန်ချန်ထားရန်မလိုသော နားတစ်စုံကို လူသားတိုင်း လိုချင်ခဲ့ကြသည် …။ မိမိကိုယ်မိမိ ထက်နားလည်ပေးနိုင်မည့်သူတစ်ယောက်ကို ရှာဖွေချင်စိတ်သည် … ဘုရားသခင်၏ မြေကြီး မသန့်ခဲ့ခြင်းကြောင့်လည်း ဖြစ်နိုင်သည်…။

တစ်ယောက်ကိုတစ်ယောက်ကနားလည်လျှင် အနည်းဆုံးစိတ်ချမ်းသာရမည်ဟု လူသည်တွေးတောလာသည်။ ထိုကြောင့် တွေ့ရှိသမျှ ပရိုင်းမိတ်များသည် အစုအဖွဲ့နှင့်နေ၍ အစုအဖွဲ့နှင့်သာသေကြသည်။ ကမ္ဘာဦးလူသည် ပထမဆုံး သူငယ်ချင်းကို တင်းပုတ်ဖြင့် ရိုက်မိကောင်းရိုက်မိနိုင်သည်…။ သို့သော် သူ၏ မညီညာသေးသော သွားများဖြင့် ရယ်ပြဖို့ ကြိုးစားခဲ့မည်မှာသေချာသည်။ အမွှေးအမျှင်ထူထပ်သော လက်များဖြင့် တစ်ယောက်နှင့်တစ်ယောက်ပွေ့ဖက်ကာ မပီမသ အော်ဟစ်ကြွေးကြော်ရင်း ပျော်ခဲ့ကြမည်မှာသေချာသည်။ သူငယ်ချင်းဟူသော ဝေါဟာရသည် နှလုံးခုန်သံများကို ပျော်ရွှင်စေသာ ဂုဏ်သတ္တိရှိခဲ့သည်ဟု ယူဆရသည်။ ဂူအောင်းလူသည် သူ့သူငယ်ချင်းပုံကို ကျောက်တုံးနှင့်ဆွဲပြီး တဟားဟားရယ်နေမည်ဟု မသေချာသော ကောက်ချက်ကို တွေးတောခြင်းဖြင့်သာ ခိုင်ခိုင်မတ်မတ် လက်ခံမိသည်။

ရာဇ၀င် အဆက်ဆက်တွင် သူငယ်ချင်းကောင်းများသည် ရှားပါးခဲ့ကြသည်..။ အသက်တစ်ရာမနေရသော်လည်း အမှုတစ်ရာပွေရသည်ဟုသာရှိသည်။ သူငယ်ချင်းကောင်းတစ်ယောက်ရရန် အသက်သည် အာမခံချက်တစ်ခုမဟုတ်ပါ..။ တစ်ချို့သူငယ်ချင်းများသည် ကျောင်းနေဖက်များသာဖြစ်သည်။ တစ်ချို့သူငယ်ချင်းများသည် လုပ်ဖော်ကိုင်ဖက်မျှသာဖြစ်သည်။ တစ်ချို့သူငယ်ချင်းများသည် မေးထူးခေါ်ပြောသာဖြစ်ပြီး တစ်ချို့သူငယ်ချင်းများသည် လမ်းတွေ့လျှင်ပြုံးပြရုံသာဖြစ်သည်။ တစ်ချို့သူငယ်ချင်းများဆီသို့ နာရေးကိစ္စမှအပ သွားရန်မလိုအပ်ပါ။ကိုယ့်နှလုံးခုန်သံဖြင့် အသက်ရှူနေသော သူငယ်ချင်းတစ်ယောက်ကို သင်ရချင်ခဲ့ပါသလား …။ သင်ငိုနေလျှင် တိတ်ဆိတ်စွာ စောင့်ဆိုင်းနားလည်ပေးနိုင်သော သူငယ်ချင်းတစ်ယောက် သင်တွေ့မိခဲ့ပါသလား …။ သူ့ကိုယ်သူထက် သင့်ကို ပိုစိတ်ပူတတ်သော သူငယ်ချင်းတစ်ယောက်၏ တန်ဖိုးကို သင်မည်သို့သတ်မှတ်ပါသလဲ …။ သူငယ်ချင်းဆိုသည်မှာ အဓိပ္ပာယ်ဖွင့်ဆိုစရာတစ်ခုမဟုတ်ဘဲ ခံစားနားလည်ရသော တေးသီချင်းတစ်ပုဒ်သာဖြစ်သည်။
လိုနေတဲ့အချိန်မှာရှိမှ သူငယ်ချင်း ဆိုတဲ့စကားပုံကိုမယုံကြည်ပါ။ သူငယ်ချင်းဆိုသည်မှာ သူ့အလုပ်နှင့်သူသာဖြစ်၍ ကိုယ်လိုနေချိန်တိုင်းရှိချင်မှရှိပါလိမ့်မည်။ သူငယ်ချင်းဆိုသည်မှာ စာခြောက်ရုပ်တစ်ရုပ်လို တစ်နေရာထဲတွင်အမြဲရပ်တန့်နေသောသဘောမရှိဟုယူဆပါသည်။ ငယ်တုန်းက ခင်မင်ခဲ့ခြင်းမှာ တစ်သက်လုံးဆက်လက်ခင်မင်နေမည်ဟူသော ကတိက၀တ်တစ်ခုမဟုတ်ခဲ့ပါ…။ သူငယ်ချင်းများသည် ရာသီဥတုလို ပြောင်းလဲတတ်သည် …။ သူငယ်ချင်းများသည် ဗြဟ္မစိုရ် တရားလိုခေါင်းပါးတတ်သည်။သူငယ်ချင်းများသည် ၀ိုင်ပုလင်းများလို နှစ်ချို့လေ တန်ဖိုးကြီးလေဟု တစ်ထစ်ချမယူဆခဲ့ပါ …။ သံပုရာသီးများလို ကြီးလေချဉ်လေလည်းဖြစ်သွားနိုင်ပါသည်။ ထင်မြင်ယူဆချက်များမှားယွင်းသွားကြသည်မှာ ကျွန်ုပ်တို့သည် တန်ရာတန်ကြေးမပေးဘဲ အလကားရချင်သောကြောင့်ဖြစ်နိုင်ပါသည်။ သို့တည်းမဟုတ် ကျွန်ုပ်တို့သည် ကိုယ့်ကိုယ်ကို လိုအပ်သည်ထက်ပို၍ စိတ်ချမိသောကြောင့်လည်းဖြစ်နိုင်သည်။

သူငယ်ချင်းကောင်းတစ်ယောက်ဖြစ်ဖို့ ကိုယ်တိုင်သူငယ်ချင်းကောင်းဖြစ်ဖို့လိုသည် ဟူသောစကားမှာရယ်စရာကောင်းလှသည်။ အဘယ်ကြောင့်ဆိုသော် ကျွန်ုပ်တို့သည် သူငယ်ချင်းကောင်းများမရရှိခဲ့ဖူးသောကြောင့် ကိုယ်တိုင် မည်သို့ သူငယ်ချင်းကောင်းဖြစ်အောင်ကြိုးစားရမည်ဟု မသိခဲ့ကြသောကြောင့်ဖြစ်သည်။ မဆိုးသော သူငယ်ချင်းများကို သူငယ်ချင်းကောင်းဟု ခေါ်နိုင်ပါသလား။ ထိုမေးခွန်းသည် ရယ်စရာမကောင်းကြောင်း သင်လည်းသိပါလိမ့်မည်။

သူငယ်ချင်းကောင်းဆိုသည်မှာ လိုအပ်ရင် အသက်ပေးသည်ဟု ပြောကြသည်။ အသက်ကိုပေးလိုက်ရခြင်းမှာ သိပ်အပန်းမကြီးလှပါ။ အကယ်၍ တစ်ချိန်တွင် အသက်တစ်ခုပေးလိုက်ရုံမျှဖြင့် သူငယ်ချင်းကောင်းတစ်ယောက်ဖြစ်ခွင့်ရှိမည်ဆိုလျှင် ကျွန်ုပ်အား အကြောင်းကြားစေလိုပါသည်။

သူငယ်ချင်းတစ်ယောက်၏ အပြုံးသည် စံပယ်ပန်းတစ်ပွင့်ထက် ဖြူစင်မွှေးမြသည်ဟူသော အဆိုကို ကျွန်ုပ်က လက်ခံမိသည်။ နေ့တိုင်းအရိပ်တကြည့်ကြည့်စိုက်ပျိုးထားသော အပင်လေးတစ်ပင် အပွင့်ပွင့်လာတိုင်း ၀မ်းမြောက်တတ်သူများသည် အပင်သေသွားသောအခါ ငိုရတတ်သည်။ ကျွန်ုပ်သည် နှလုံးသွင်းမှားခဲ့သော ဥယျာဉ်မှုးတစ်ယောက်ကို မလှောင်ပြောင်ရက်ပါ။ သေဆုံးသွားသော ပန်းပင်လေးတစ်ပင်သည် သူ့ဘ၀၏ အစိတ်အပိုင်းတစ်ခုလည်းဖြစ်သည်ဟု ခံစားမိသောကြောင့်ဖြစ်သည်။ ထွက်ခွာသွားသော သူငယ်ချင်းအတွက် ကျွန်ုပ်လုပ်နိုင်သည်မှာ မေတ္တာပို့သည့်အခါ မသိမသာ မေ့လျော့ထားလိုက်ရန်ဖြစ်သည်။ သို့သော် ဤကိစ္စသည် မဖြစ်နိုင်မှန်း အားလုံးသိပြီးသားဖြစ်သည်။
မိမိစိတ်ကို မသိသူတစ်ယောက်သည် သူတစ်ပါးကို နားလည်ရန်မဖြစ်နိုင်ပါ။ အထင်မှားခြင်းတစ်ခုသာဖြစ်ပါလိမ့်မည်။ စိတ်ချမ်းသာချင်သူသည် အပူများအနားသို့မလာပါ …။ ဝေးဝေးမှာအေးအေးနေပါလိမ့်မည်။ ထိုသို့နေခြင်းမှာ သူ့ကိုယ်သူနားလည်သောကြောင့်သာဖြစ်သည်။ သူသည် ပူလောင်မှုများကိုသာ မုန်းတီးတတ်သော်လည်း အပူကိုသယ်ဆောင်လာသူများကို မမုန်းတီးတတ်ပါ။ သူသည် သူငယ်ချင်းတစ်ယောက်ကို အသက်ရှူရန်ကိစ္စတစ်ခုလို လိုအပ်နေခဲ့ပြီး သူလိုအပ်သော အသက်ရှူကိရိယာအတွက် သူ့တွင် ကံတရားအလုံအလောက်ပါမလာခြင်းမှာ ပါရမီနုံနဲ့မှုတစ်ခုသာဖြစ်ကောင်းဖြစ်နိုင်သည်။ ထို့အတွက် ငိုကြီးချက်မဖြစ်နေလောက်အောင် သူလည်းမအား။ ထို့ကြောင့် သူငယ်ချင်းကောင်းတစ်ယောက်ကို ရခြင်းမရခြင်းမှာ ကံတရားနှင့်ဆိုင်သည်ဟု သူတွေးခဲ့သည်။ ထိုအယူအဆအတွက် ကျွန်ုပ်က သူ့ကို နားမလည်နိုင်ခဲ့ပါ။ သတ္တ၀ါတစ်ခု ကံတစ်ခုဟုပြောနေသူသည်ပင် ထိုစကားလုံးကို ပြောခါနီးစဉ်းစားချိန်တွင်ကံတစ်ခု ၊ ပြောလိုက်ချိန်တွင် ကံတစ်ခု … စုစုပေါင်း ကံနှစ်ခု လုပ်ပြီးနေပြီဖြစ်၍ သူ့ အဆိုကို သူ့ အဖြစ်အပျက်က ပြန်ချေပနေသလိုဖြစ်နေသည်။ ထို့ကြောင့် ကျွန်ုပ်သည် … အတိတ်ကံကို စကားထဲထည့်ပြောရလောက်အောင် ယုံကြည်သူတစ်ယောက်ဖြစ်မလာခဲ့ပါ….။ သူငယ်ချင်းတစ်ယောက်ကို နှစ်ပေါင်း မည်မျှရှာလျှင်တွေ့မည်ဟု သင်ယူဆပါသလဲ။ ဘုရားသခင်ကိုယ်တော်တိုင်မရှိခဲ့သော သူငယ်ချင်းတစ်ယောက်ကို လူက ပြန်ရှာနေခြင်းမှာ အနည်းငယ် စွန့်စားခန်းဆန်နေနိုင်သည်။ သို့သော် ဘုရားသခင်သည် ကံဆိုးသူတစ်ယောက်ဖြစ်ပြီး သင်သည်ကံကောင်းသူတစ်ယောက်လည်းဖြစ်နေနိုင်ပါသေးသည်။

ထီပေါက်စဉ်နှင့်တိုက်ပြီးမှ စိတ်ပျက်လက်ပျက် လွှင့်ပစ်လိုက်ရသော ထီလက်မှတ်များလို ကျွန်ုပ်တို့သည် မျှော်လင့်သလို မဖြစ်ခဲ့ခြင်းအတွက် သူငယ်ချင်းများကို လွှင့်ပစ်ခဲ့သည်။ ထို့အတွက် မည်သူမှ တခုတ်တရ နောင်တမရခဲ့ကြ …။ ဟန်ဆောင်ပန်ဆောင်လေးပင် မလုပ်နိုင်ကြဘဲ တစ်ခါတည်း လွှင့်ပစ်လိုက်သည်မှာ ကျွန်တော်တို့၏ တန်ရာတန်ကြေးထက်ပို၍ အဆပေါင်းများစွာမျှော်လင့်ခဲ့သော နှလုံးသွင်းမမှန်ကန်မှု ပြင်းအားများကြောင့်ဖြစ်လိမ့်မည်။ သူငယ်ချင်းတစ်ပင်စိုက်ပျိုး၍ ပန်းသီးများ၊ သစ်တော်သီးများ၊ မာလကာသီးများနှင့် ဖရဲသီးများ သီးပွင့်ပြီးသကာလ စပျစ်သီးမသီးလာ၍ ခုတ်လိုက်သူများလည်း ရှိကောင်းရှိနိုင်သည်။ ထို့ကြောင့် သင်သည် စိုက်ပျိုးသလောက်ရိတ်သိမ်းပြီးသားသူတစ်ယောက်ဖြစ်နိုင်သေးသည်။

သူငယ်ချင်းဆိုသည်မှာ ခပ်ဝေးဝေးမှ သူစိမ်းများသာ ဖြစ်လာခွင့်ရှိသော ရပိုင်ခွင့်တစ်ခုမဟုတ်ပါ။ သင့်ကိုနားလည်သော အဖေသည် သင့်သူငယ်ချင်းဖြစ်လာနိုင်ပါသည်။ သင့်ကိုနားလည်သောအမေသည် သင့်သူငယ်ချင်းဖြစ်လာနိုင်ပါသည်။ ထိုအခါ သူငယ်ချင်းများထံမှရော မိဘထံမှပါ သင် မုန့်ဖိုးရနိုင်ပါလိမ့်မည်။ သူငယ်ချင်းဆိုသည်မှာ သင်သိပ်ချစ်သော ချောကလက် အမည်ရှိသည့် ခွေးမလေးတစ်ကောင် ဖြစ်နေနိုင်ပါသည်။ သူငယ်ချင်းဆိုသည်မှာ ဘော်ဂီအမည်ရတဲ့ ငါးကလေးတစ်ကောင်လည်းဖြစ်ကောင်းဖြစ်နေနိုင်ပါသည် …။ အနည်းဆုံးသူ့ကိုတွေ့လို့ သင်ပြုံးရသည်ဆိုလျှင် သူသည် သင့်သူငယ်ချင်းဖြစ်လာနိုင်ပါသည်။

အခါတပါးက တရားကျင့်တဲ့ရဟန်းတပါးက တရားထူးအသိအမြင်ကိုရတဲ့နောက်မှာ သူတရားရှုမှတ်နေကြ နေရာက သစ်ပင်လေးကိုပြောတယ် … အစစအရာရာအတွက် ကျေးဇူးပါကွယ်တဲ့ …။ ကျွန်ုပ်လည်း တခါတလေ ထိုစကားလုံးကို ကျက်မှတ်ထားမိသည်။ သို့သော် အခုအထိ မပြောရသေးသည်မှာ သူငယ်ချင်းဟူသော သတ္တ၀ါများသည် ၂၁ ရာစုမတိုင်မီ မျိုးသုဉ်းသွားခဲ့သောကြောင့်လည်းဖြစ်ကောင်းဖြစ်မည်။ ကျွန်ုပ်သည် နေရာမှားရောက်လာသော သစ်စေ့တစ်စေ့လို ကျောက်မျက်နှာပြင်ပေါ်တွင် အမြစ်စွဲဖို့ ရူးသွပ်နေသူတစ်ယောက်ဖြစ်နိုင်ပါသေးသည်။
သူငယ်ချင်းများသည် ဘုရားသခင်ကပေးသောလက်ဆောင်ဟူသော စကားကိုပြောခဲ့သူကို ထိုင်ထ အကြိမ်ငါးဆယ် ဒဏ်ပေးချင်သည်။ မရှိသော အရာကို ပေး၍မရကြောင်း သက်သေမပြချင်တော့ပါ …။ အနည်းဆုံး ထိုသူသည် လူစီဖဲဆိုသော ရုပ်အချောဆုံးနတ်သားအကြောင်းကို တီးကြည့်ခေါက်ကြည့်ဖို့လိုပါမည်…။ ထို လူစီဖဲသည်ပင်လျှင် စာတန်ဖြစ်လာသည်။ ထို့ကြောင့် စာတန်သည် ဘုရားသခင်၏ ပြတ်စဲပြီးသား သူငယ်ချင်းတစ်ယောက်ဖြစ်သည်ဟု ဆိုနိုင်သည်။

စီစီဖာ့ထ် လှိမ့်တင်လိုက်သော ကျောက်တုံးတစ်တုံးစာ အဓိပ္ပာယ်ရှိခဲ့သော သံယောဇဉ်များစွာဖြင့် ခင်မင်ခဲ့ခြင်းများသည် ဒီနေ့ဒီအချိန်တွင် နေရာရှုပ်လာသော သတင်းစာဟောင်းတစ်ခုထက်မပိုတော့ပါ။ ထို့ကြောင့် ဖြစ်ပြီးပျက်သွားသမျှသည် အကြောင်းတစ်ဝက် အကျိုးတစ်ဝက် တိတိကျကျ ရှိနေသည်ဟု မပြောနိုင်တော့ပါ။ အကြောင်းများသည် သေးငယ်သော ရာခိုင်နှုန်းများစုပေါင်းထားခြင်းဖြစ်ပြီး အကျိုးများသည် ကြီးမားသာပြဿနာတစ်ခုကို လုံလုံလောက်လောက်ဖြစ်စေခဲ့ပြီဖြစ်ပြီ …။ ၁၀၀၀၀၁ ကြိမ်မျြောက် ထုနှက်ချက် တစ်ခုထဲကြောင့် ကျောက်ဖျာကွဲအက်သွားခြင်းမဟုတ်ပါ .. ရှေ့မှ အကြိမ် ၁၀၀၀၀၀ ကိုလစ်လျူမရှုလိုက်ပါနှင့် …။

နောင်အခါလာ နောင်အခါဈေးဟုတွေးမိသွားချိန်တွင် … ကျွန်ုပ်သည်တော်တော်စိတ်ချမ်းသာလာပါသည်။ သူငယ်ချင်းများနှင့်ပတ်သက်၍ ကံမကောင်းခဲ့သူတစ်ယောက်သည် သူငယ်ချင်းများနှင့်မပတ်သက်၍ ကံကောင်းခဲ့သူတစ်ယောက်ဖြစ်လာသည်ဟု မည်သည့်အခါမျှ ထုတ်ဖော်ပြောဆိုမည်မဟုတ်ပါ။ ထိုသို့မယုံကြည်၍သာဖြစ်သည်။ လစ်ဟာသွားသော သူငယ်ချင်းများနေရာတွင် ကျွန်ုပ်သည် တစ်ခုခု အစားထိုးတပ်ဆင်ကြည့်ရန် စိတ်ကူးမရှိခဲ့ပါ။ ထိုနေရာသည် နှလုံးသားဖြစ်၍ အစားထိုးပစ္စည်းတစ်ခုကို လက်ခံနိုင်မည်မဟုတ်ပါ…။

မီးစင်ကြည့်ကထားသော နေ့စွဲများသာများသထက်များလာခဲ့သည်။
ကျွန်ုပ်သည် လုံလောက်စွာသော အချိန်တစ်ခုသို့ဆိုက်ရောက်ခဲ့သည် …။
လစ်ဟာနေသော နေရာကို စိတ္တာနုပဿနာ အလင်းရောင်ဖြင့် ကြည့်မိသည် …။
ထိုနေရာတွင် သူငယ်ချင်းများရှိမြဲရှိနေကြသေးသည် …။

ကျွန်ုပ်သည် နှစ်ပေါင်းများစွာ ရေလိုက်လွဲခဲ့သော ငါးတစ်ကောင်ဖြစ်ကြောင်းနားလည်မိသွားလေသည်…။ ။
Zephyr

What is the software development life cycle (SDLC)?

Software Development Life Cycles

1. Programmer produces code he believes is bug-free.
2. Product is tested. 20 bugs are found.
3. Programmer fixes 10 of the bugs and explains to the testing department that the other 10 aren’t really bugs.
4. Testing department finds that five of the fixes didn’t work and discovers 15 new bugs.
5. Repeat three times steps 3 and 4.
6. Due to marketing pressure and an extremely premature product announcement based on overly-optimistic programming schedule, the product is released.
7. Users find 137 new bugs.
8. Original programmer, having cashed his royalty check, is nowhere to be found.
9. Newly-assembled programming team fixes almost all of the 137 bugs, but introduce 456 new ones.
10. Original programmer sends underpaid testing department a postcard from Fiji. Entire testing department quits.
11. Company is bought in a hostile takeover by competitor using profits from their latest release, which had 783 bugs.
12. New CEO is brought in by board of directors. He hires a programmer to redo program from scratch.
13. Programmer produces code he believes is bug-free…

Create Slide Photo for Upload Website

Create Slide Photo for Upload Website

Need Only 5 minute to get our photos with beautiful slide show,
Just funny and easy…………..
For me,I tested for our blog.It is ok.
http://www.slide.com/
This site create html code ,it ready to use for the blog. 😛

We can know who block on gtalk

Here this Pidgin not only can know who block on gtalk but also can open gtalk if website is be burn.
Download pidgin from >>>>http://www.pidgin.im/
Install EXE

There is a great little instant messaging utility, Pidgin that helps to find who has blocked you in Google Talk. If you not sure how to configure Pidgin with Google Talk, I advice you to first visit this page.

Ok, now when you are aware of how to configure Pidgin to work with Google Talk, I’ll guide how to make smart use of Pidgin to identify who has blocked you on Google Talk.

It’s very simple. Just follow the steps:-

1- Log in to your Gmail account on Pidgin.
2- Go to “Buddies” -> “Show Offline Buddies”. (A person who has blocked you must be showing offline to you. So you need to make all offline friends visible)

3- Now all your contacts are visible to you. Pick any one of those.
4- Right Click on your chosen contact name and select “Get Info”.

It will show you the brief information of your contact. Now, if any of your contact has blocked you on Google Talk, you will not be able to see his/her profile.

6- Select a contact who you think may have blocked you. Again, Right Click on his/her name and select “Get Info”. You will not see anything. Not even the contact’s name.

This goes to show that this particular contact has blocked you on Google Talk and don’t want to talk to you and so it appears to be offline always.

Hope, you like this article. This is the only way I could able to find out to determine who has blocked you on Google Talk. What’s your comment on this?

The following image is a comparison of 2 different contacts: Actual offline (left) and Blocked offline (right). If you are blocked, nothing will be display under Buddy Information.


For specially from Myanmar’s friends ,if your gtalk cannot be open or burn ; 😛

you can also log in MSN,Yahoo,SIMPLE,QQ,ICQ,IRC,Gtalk from this EXE.

Her Morning Elegance / Oren Lavie

Series Title : “The Opposite Side of The Sea”။

အပျိုကြီးတွေ

အပျိုကြီးတွေ

ဟိုအပင်ပေါ်ကသစ်သီးတွေ အ ချိန်လွန်ရင်ပုပ်လိမ်မယ်
မြန်မြန်ဆန်ဆန်ခူး စားလိုက်မှအရသာချိုမိန်မယ်
အိုက်တင်ခံတဲ့ အပျိုကြီးတွေအ ချိန်လွန် ရင်။။။။။။။.

သီချင်း အမည် ကို မသိပါ” ဆိုတဲ့ လူလဲမသိပါ’ သိရင်ပြောကြပါဦး

Song

ဘုရားသခင် ကျီစားသန်ခဲ့တယ်

ဘုရားသခင် ကျီစားသန်ခဲ့တယ်

မိုးစဲနေ

အောက်တိုဘာ ၅၊ ၂၀၀၉

ရည်းစားများတဲ့ ကောင်မလေးကိုယ်တိုင်က
သစ္စာတရားကို ဖွဲ့နွဲ့တယ်
ဘုရားသခင်က ကျီစားတယ်။

သန်းကြွယ်သူဌေးတွေကန်တဲ့ ကမ္ဘာ့ဘောလုံးပွဲကို
ဆင်းရဲသားတွေက လက်ဖက်ရည်ဆိုင်မှာ တိုးကြည့်ကြတယ်
ဘုရားသခင်က ကျီစားတယ်။

တနေ့လုပ်မှ တနေ့စား စားစရာမရှိတဲ့ မရှိသူတွေအတွက်
ငါးထောင်တန် ထုတ်တယ်
ဘုရားသခင်က ကျီစားတယ်။

ကိုယ့်ဖဲထုပ် ကိုယ်ချိူး ကိုယ်လူနဲ့ကိုယ် ရိုက်တဲ့ ဖဲဝိုင်းမှာ
အခြေခံဥပဒေကို ၁၄ နှစ်ကြာအောင် ဆွဲတယ်
ဘုရားသခင်က ကျီစားတယ်။

ပြည့်တံဆာခေါင်းတွေက ခပ်တည်တည်နဲ့
တည်းခိုခန်းကြီးတွေ ဖွင့်တယ်
ဘုရားသခင်က ကျီစားတယ်။

တိုင်းတပါးကျွန် မခံချင်လို့ တိုက်ယူခဲ့တဲ့ လွတ်လပ်ရေး
အောက်ဈေးနဲ့ရတဲ့ အလုပ်သမားအဖြစ် ဖန်ဆင်း
အိမ်နီးချင်းနိုင်ငံတွေမှာ အော်ရောင်းတယ်
ဘုရားသခင်က ကျီစားတယ်။

ဒီမိုကရေစီ ကိုမယုံကြည်သူတွေ ကိုယ်တိုင်က
ဒီမိုကရေစီတရားတွေ ပို့ချတယ်..
ဘုရားသခင်က ကျီစားတယ်။

စာသင်ကျောင်းလေးတွေရဲ့ ဈေးတန်းလေး
ဆရာတွေ ဆရာမတွေ ၀င်ရောင်းတယ်.
ဘုရားသခင်က ကျီစားတယ်။

ဗိုလ်ချူပ်တွေ ပေါပြီး
အကြွေရှားခြင်းနဲ့ ကောက်ညှင်းထုပ်သည်လေးကို
ဘုရားသခင်က ကျီစားတယ်။

ခုကဗျာကို ၇ ရက်အတွင်း ဘယ်သူမှ မပြပါနှင့်
၇ ရက် အတွင်း ဖြန့်ဝေခဲ့သော်
ကဗျာရေးသူကို
ဘုရားသခင်က ကျီစားမည်။

ဘုရားသခင်ကတော့
ဘုရားသခင်ကို ဘယ်တုန်းကမှ ပြန် မကျီစားခဲ့လို့
ဒီည …
ကျနော့်ကို ကျနော် ပြန် ကျီစားတယ်။ ။

ရင်တွင်းရိုးသားပါ။

သူငယ်ချင်းရေ.. စိတ်ကောင်းကောင်းထားပါ။
သူငယ်ချင်းရေ.. ရင်တွင်းရိုးသားပါ။
မင်းရင်ထဲမှာ မင်းဆင်နွှဲကာ မင်းပဲသိတဲ့ မင်းရဲ့ အောင်ပွဲပါ။
မေးမေးမေး.. မမေးမေးမေး. မကွယ်ဝှက်ပဲ အသိပေးလိုက်ပါ။
ဖုံးဖုံးဖုံး…. မဖုံးဖုံးဖုံး.. အချိန်တန်တော့ အကုန်လုံးသိကြမှာ။
ရိုးရိုးသားသား ကြိုးကြိုးစားစား လုပ်စမ်းပါ။
တွေးတွေးစစ ဖေးဖေးမမ ရှိစမ်းပါ။
ရမ်းသန်းပန်းသမ်း မှန်းဆချက်နဲ့  ခုန်ပျံမသွား.. ပုံမှန်သာသွားပါ။

သိသိသိ.. မသိသိသိ.. လိုတာရှိတုိင်း ဒီဇုိုင်းမပြောင်းနဲ့ ကွာ။
ပြောပြောပြော.. မပြောပြောပြော.. ဆင်ခြင်တဲ့သဘော အလိုက်သိလိုက်ပါ။
မားမားမတ်မတ်.. ပြတ်ပြတ်သားသား လုပ်စမ်းပါ။
ရှင်းရှင်းဘွင်းဘွင်း.. ပွင့်ပွင့်လင်းလင်း ရှိစမ်းပါ။
ဆန်းဆန်းပြားပြား ကွေ့ ကောက်သွားလို့  တရံတစ်ခေါက် အမှန်မပျောက်ရာ။

သူငယ်ချင်းရေ.. စိတ်ကောင်းကောင်းထားပါ။
သူငယ်ချင်းရေ.. ရင်တွင်းရိုးသားပါ။
မင်းရင်ထဲမှာ မင်းဆင်နွှဲကာ မင်းပဲသိတဲ့ မင်းရဲ့ အောင်ပွဲပါ။

ဟုတ်ဟုတ်ဟုတ်.. မဟုတ်..ဟုတ်…..ဟုတ်… အကြံထုတ်ပြီး ဟန်လုပ်မပြနဲ့ ကွာ။
ခက်ခက်ခက်.. မခက်..ခက်….ခက်.. ရည်ရွယ်ချက်လည်းမဖျက်နဲ့ ပေါ့ကွာ။
သွက်သွက်လက်လက် ထက်ထက်မြက်မြက် လုပ်စမ်းပါ။
ထိထိရောက်ရောက် ပေါက်ပေါက်မြောက်မြောက် ဖြစ်စမ်းပါ။
ခန်းခန်းနားနား လမ်းမမှားပဲ သေချာတဲ့လမ်း ရေရှည်ဖြတ်သန်းပါ။

ဝေးဝေးဝေး.. မဝေး..ဝေး….ဝေး.. လာချင်ရင်တော့ အနီးလေးပဲကွာ။
နီးနီးနီး.. မနီးနီးနီး.. မလာချင်ရင်တော့ အဝေးကြီးဖြစ်မှာ။
အေးအေးဆေးဆေး နွေးနွေးထွေးထွေး ရှိစမ်းပါ။
တည့်တည့်မတ်မတ် ပြတ်ပြတ်သားသား လုပ်စမ်းပါ။
အပေါင်းအသင်းများကြား.. ကောင်းသတင်းထားလို့  လူကြည်ညိုမှ လူရာပိုရောက်တာ။

သူငယ်ချင်းရေ.. စိတ်ကောင်းကောင်းထားပါ။
သူငယ်ချင်းရေ.. ရင်တွင်းရိုးသားပါ။
မင်းရင်ထဲမှာ မင်းဆင်နွှဲကာ မင်းပဲသိတဲ့ မင်းရဲ့ အောင်ပွဲပါ။

Listen Song

Note : Copy form “naynaynaing.blogspot.com”

ပုံထဲက စကားလုံးများ

ပုံထဲက စကားလုံးများ

လူ့ဘဝဆိုတာ ဆီးဆော့ပေါ် လမ်းလျှောက်နေတာနဲ့ တူတယ်။

အမြဲပဲ နိမ့်ရာကနေ မြင့်ရာကို စလျှောက်ရတယ်။
ခြေတစ်လှမ်း လှမ်းတိုင်း နောက်တစ်လှမ်းဟာ အရင်တစ်လှမ်းထက် ပိုခက်ခဲနေတတ်တယ်။

အမြင့်ကိုရောက်လေ တည်ငြိမ်ဖို့ ခက်လေဖြစ်တယ်။

သင့်ကိုယ်သင် အမြင့်ကို ရောက်နေပြီလို့ ထင်တဲ့အချိန်ဟာ
ကုန်းအဆင်းကို သင် စဆင်းနေပြီဖြစ်တယ်။

ဒါကြောင့် သင်ရောက်ချင်တဲ့ အမြင့်မှာ ဘယ်တော့မှ
သင် အမြဲမရပ်နိုင်ဘူးဆိုတာကို သင်သတိပြုမိလိမ့်မယ်။

တည်ငြိမ်မှတ်ကို သင်ရှာမတွေ့မချင်း အမြင့်မှာ ရပ်နိုင်ဖို့ဆိုတာ
ဘယ်လောက်ခက်ခဲကြောင်း

သင်အကြိမ်ကြိမ် တွေဝေပြီးမှ သတိပြုမိလိမ့်မယ်။

ဘဝရဲ့ တည်ငြိမ်မှတ်ကို ရှာတွေ့မှ အဲဒီနေရာသာလျှင် အမြင့်ဆုံးဆိုတာကို

တစ်နေ့နေ့ တစ်ချိန်ချိန်မှာ သင်ခံစားမိလိမ့်မယ်။

အဲဒီလို အမြင့်ဆုံးမှာ ရပ်နိုင်ဖို့ သင့်မှာ တစ်ခြားနည်းတစ်ခု ရှိသေးတယ်။
အဲတာကတော့ ဆီးဆော့ရဲ့တစ်ဖက်မှာ သင့်ကို တောင့်ခံ(အားပေး) တဲ့လူ ရှိဖို့ပဲ…
အဲဒီလူတွေက သင့်မိသားစု၊ သင့်ချစ်သူ ဒါမှမဟုတ်
သင့်ရဲ့ ပြိုင်ဖက်လဲဖြစ်နိုင်တယ်။

နိုင်းနိုင်းစနေ

original from: http://www.youthwant.com.tw